Në shtëpinë e Big Brother Vip Albania do të bëhen dy vajza nga Gjirokastra. Veç Deamishel Hoxhës, sapo ka hyrë në shtëpinë më të famshme të shqiptarëve edhe Fotinia.
Ajo ka qenë konkurrente dhe fituese në edicionin e vitit 2017. Fotini mbahet mend për lidhjen dhe martesën me Danielin, një tjetër konkurruent i atij edicioni. Dy vite më vonë martesa e tyre dështoi dhe ajo foli për ndarjen nga Danieli.
“Jemi dashur, por tashmë përfundoi. Doja të tregohesha e sinqertë me fansat që më kanë dashur dhe mbështetur. Nuk jam penduar për lidhjen me të sepse ka patur dashuri. Pendohem për disa gjëra të vogla si dasma për shembull. Ajo ishte më shumë seç duhej. Janë disa gjëra që bëhen të nxituara,”– tha Fotinia gjatë një interviste në emisionin “Ftesë në 5”. ©argjirolajm.net
