Ndahet nga jeta ish-deputeti dhe profesori i Matematikës në Gjirokastër, Kosta Makariadhi

Ka ndërruar jetë në Athinë në moshën 82-vjeçare Kosta Makariadhi, ish-profesor i Matematikës në Universitetin “Eqrem Çabej” të Gjirokastrës. Mësohet se ai është goditur nga një infarkt. Makariadhi ishte themelues i katedrës së Matematikës në Universitetin e Gjirokastrës. Në vitet 1992-1996 ka pasur edhe një aktivitet politik duke u zgjedhur deputet i Kuvendit të Shqipërisë nga Partia Bashkimi për të Drejtat e Njeriut. Me origjinë nga fshati Dervician i Dropullit, Makariadhi kreu shkollën e mesme në gjimnazin “Asim Zeneli” në Gjirokastër, ndërsa studimet e larta i përfundoi për Matematikë në Universitetin e Tiranës. Argjirolajm.net i shpresh ngushëllime familjes së tij. ©argjiroja.net