Kristjan Asllani pritet ta nisë nga fillimi, sfidën e parë për Interin këtë sezon, atë ndaj Leçe. Mesfushori shqiptar, do të marrë vendin e Marcelo Brozovic, pasi kroati ka shfaqur probleme së fundmi. Kroati mungoi në miqësoren ndaj Villarreal dhe e njëjta gjë pritet të ndodhë edhe ndaj Leçe në kampionat.
Vendi në mesfushë pritet të merret nga Asllani, me shqiptarin që është aktivizuar nga trajneri Inzaghi në disa ndeshje miqësore gjatë kësaj vere.
Pavarësisht moshës së tij të re, 20-vjeçari ka marrë vlerësim pozitiv dhe pritshmëritë për të këtë edicion janë maksimale, se mund të gjejë hapësira edhe në formacionin e Interit, pavarësisht se zgjedhje e parë në 11-shen e ziklatërve mbetet Brozovic.