Pas mbledhjes së Petrit Vasilit dhe Oerd Bylykbashit tek selia blu pas pushimit të caktuar nga tryeza për Reformën Zgjedhore, nuk ka munguar një tjetër ‘mysafir’. Pak pas mbërritjes së Vasilit dhe Bylykbashit, në selinë blu për mbledhje me kryedemokratin Lulzim Basha ka shkuar edhe kryetarja e LSI-së, Monika Kryemadhi.
Mirëpo më shumë se prezenca e saj në një takim konsultues mes aleatëve, ka bërë përshtypje gjendja e saj fizike. Kryemadhi është parë qartë duke çaluar dhe me dhimbje në fytyrë edhe pse në një moment u ka buzëqeshur dhe ka përshëndetur me dorë gazetarët. Gjitthashtu është vënë re se njërin kyç, Kryemadhi e ka të fashuar. Nuk dihet ende se çfarë ka ndodhur me Kryemadhin dhe se ku është lënduar ajo.
