Ministrja e Turizmit dhe Mjedisit, njëherësh drejtuese politike e PS-së për qarkun Gjirokastër, Mirela Kumbaro theksoi sot se “Tepelenën do ta kthejmë në destinacionin numër një të turizmit”.
Në fjalën e saj në takimin me banorë të Tepelenës, ku ishtë i pranishëm edhe Kryeministri Edi Rama, Kumbaro tha se “në një qytet të historisë siç është Tepelena vetëm 7-8 vite më vonë historia flet vetë, sepse këtë punë që ka bërë Tepelena, qeveria e Partisë Socialiste, Edi Rama dhe vizioni i socialistëve nuk është më fjalë, nuk është më vetëm propaganda, nuk është 3 D është realitet. Kjo është Tepelena e sotme. Ato që kemi thënë i kemi bërë dhe këto që po themi po bëhen”.
“Isha në një takim fantastik me 500-600 gra të Tepelenës e Memaliajt që janë shembulli më i mirë se çfarë po ndodh në ekonominë e kësaj bashke dhe gjithë qarkut tonë”, tha Kumbaro.
Duke folur për agroturizmin, Kumbaro u shpreh se “sot jemi vendi i bujtinave, kemi folur për turistë, takuam turistë që kanë ardhur për të vizituar Tepelenën, kalanë që po rikualifikojmë, rrugët që janë bërë, por edhe të gjitha lidhjet që Tepelena ka si zemra e jugut me lidhjen mes lindjes, Korçës, Përmetit, Vlorës, Himarës e Gjirokastrës”.
Më tej, Kumbaro tha se “duhet të vazhdojmë përpara se në 14 maj nuk votojmë thjesht për një kandidat, as për një forcë politike, e vetmja që i jep progres Tepelenës”.
“Ne votojmë për vizionin, për progresin, për të ardhmen e fëmijëve tanë. Nuk mund të ketë alternativë tjetër, individ tjetër, nuk ka asnjë program a vizion tjetër, por është vetëm programi i PS-së, vizioni i qeverisë së Ramës që ka një skuadër të kandidatëve për kryetarë bashkie të cilët çfarë thonë e bëjnë realitet”.
