Në fillim të këtij muaji Mirela Kumbaro deklaroi se ishte infektuar me Covid 19. Për këtë arsye edhe nuk mori pjesë në axhendën e kryeministrit Rama në qarkun Gjirokastër. Ndërkohë me sa duket ditët post-covid i kalon në Tiranë duke punuar për një projekt që ka lidhje me promovimin e Gjirokastrës.
Kumbaro është parë sot në një bar-kafe me Alket Islamin duke punuar për albumin “Gjirokastra from the air 2021”. Ditë më parë të dy e kanë njoftuar këtë projekt në rrjetet sociale. Për momentin nuk dihen më shumë detaje rreth albumit. Por kujtojmë që Alket Islami vazhdimisht e ka promovuar Gjirokastrën si një destinacion turistik përmes eventeve të shumta të aeronautikës.
“Fluturaku” dhe Kumbaro kanë të përbashkët me njëri-tjetrin edhe një pjesë të origjinës së tyre nga Libohova. Albumi “Gjirokastra from the air” me siguri që do të rezervojë surpriza, po të kemi parasysh edhe pamjen e re që ka marrë tashmë Pazari i Gjirokastrës pas restaurimit të plotë. Pjesë e albumit do të jetë edhe Libohova, Antigonea, Adrianopoli dhe atraksione të tjera turistike. Mbetet të presim!
©argjirolajm.net
