Ministri i Brendshëm Sandër Lleshaj do të jetë sot në Gjirokastër për të prezantuar forcën e posacme “Shqiponjat” në Policinë e Shtetit. Njësoj sic ka ndodhur në të gjitha qytete te mëdha të Shqipërisë, për Gjirokastrën është zgjedhur dita e sotme, e cila përkon edhe me 76 vjetorin e Clirimit të qytetit.
Lleshaj do të mbajë një fjalë përshëndetëse përpara efektivëve të kësaj skuadre, si dhe më pas do të vizitojë gjimnazin “Siri Shapllo”, për të parë nga afër zbatimin e masave antiCovid nëpër shkolla.
Ai do të shoqërohet nga prefekti dhe kryebashkiaku i Gjirokastrës, si dhe zyrtarë të lartë të Policisë së Shtetit. Lleshaj ka qenë në qendër të kritikave dhe komenteve në media kohët e fundit për disa arsye. Së pari për situatën me kriminalitetin në vend, ku ka pasur një seri ngjarjesh të rënda.
Së dyti për shkak të akuzave lidhur me automjetin luksoz, me të cilin ai qarkullon, akuza që Lleshaj iu përgjigj një ditë më parë në Kuvend. Së treti, për shkak të deklaratave të tij lidhur me pozicionin në qeveri si ministër.
©argjiroja.net
