Ministri i Jashtëm, Ditmir Bushati është përfshirë në debatet e fundit mes PS-së dhe LSI-së. I pyetur nga mediat për akuzat e deputetit të LSI-së, Vangjel Tavo, Bushati tha me ironi se e do Vangjelin, por më shumë do SHBA-në dhe BE-në.
“Jemi të përqendruar totalisht tek puna sepse me 18 qershor ne si qeveri, PS do tu japë llogari qytetarëve shqiptarë sa i përket përmbushjes së reformave dhe sa i përket përmbushjes së zotimeve të marra. E dua Vangjelin, por më shumë dua SHBA dhe BE. Dhe kur vjen puna për vlerësimin e reformave dhe sfidave që duhet të përballojmë të gjithë sëbashku, përfshirë dhe Vangjelin, besoj se ekspertiza amerikane dhe ekspertiza e shërbimeve të Komisionit Euriopian të vendeve anëtare është një pikë shumë e mirë reformimi të mëtejshme për gjithë institucionet shqiptare.”, tha Bushati.
Deputeti i LSI-së edhe sot kishte sulmuar Policinë e Shtetit në një intervistë për mediat greke, ndonëse duket sikur pas shkarkimit të Manjanit është arritur një paqe mes Ramës dhe Metës.
