Dy muaj pas zgjedhjeve të 30 qershorit në Gjirokastër do të zhvillohet gjatë javës së parë të muajit shtator mbledhja e parë e Këshillit të Qarkut, për të zgjedhur kryetarin e ri, nënkryetarin dhe drejtuesit e tjerë. Sipas ligjit për pushtetin vendor, zgjedhja e kryetarit të Këshillit të Qarkut bëhet jo më vonë se 50 ditë nga shpallja e rezultatit të zgjedhjeve.
Mbledhja e parë thirret nga kryetari i bashkisë qendër të qarkut. Në këtë rast nga kryetari i Gjirokastrës, Flamur Golemi. Ende nuk dihet se kush do të pasojë Armand Hilën në krye të Këshillit të Qarkut.
Pritet që kandidaturat të propozohen në mbledhjen e parë dhe më pas të hidhen në votim. Argjirolajm.net mëson se aktualisht janë të paktën 4 emra nga radhët e anëtarëve të Këshillit që do të propozohen për t’u hedhur në votim.
Mes këtyre 4 emrave ka edhe gra nga këshillat bashkiakë të 7 bashkive të qarkut Gjirokastër. Se kush do të marrë më shumë vota nuk dihet ende. Mbetet thjesht të presim bledhjen javën e ardhshme.
©argjiroja.net
