Luftëtari kthehet duarbosh në Gjirokastër, mundet nga Kastrioti

Kastrioti nuk di të ndalë vrapin e tij për të kapur trenin e mbijetesës, duke mundur edhe rivalin direkt në këtë garë, Luftëtarin. Krutanët kanë arritur të fitojnë me rezultatin e ngushtë 1-0 falë një penalltie të fituar nga Roxher në pjesën e parë. Në të dytën, Luftëtari ka qenë më kërkues i golit dhe e ka gjetur atë në minutën e fundit të takimit, por që është anuluar për pozicion të parregullt, megjithëse ishte një vendim disi i dyshimtë.