Luan Rama, i pari i LSI-së në qarkun Vlorë ka nisur fushatën në terren. Së fundi ai ishte edhe në Sarandë e Ksamil. Në një deklaratë për mediat, Rama ka thënë ndër të tjera se tashmë LSI-ja është çliruar nga hajdutët, që sipas tij kanë ikur te ‘Rilindja’.
“LSI është jo vetëm forcë fituese, por edhe e çliruar tashmë nga shëmbëlltyrat dhe referencat e korrupsionit. Tani LSI këto shëmbëlltyra i sheh me qesëndi dhe neveri të rreshtuar pranë hajdutëve të Rilindjes dhe kjo gjë është një arsye më shumë pse nuk duhet votuar më Rilindja, e cila përveç hajdutëve që ka në radhët e saj po mbledhë edhe hajdutët lart e poshtë”, u shpreh Rama.
