Afrimi i zgjdhjeve ka bërë që të rriten tonet e politikanëve, ku në Tiranë opozita ka nisur protestat duke kërkuar qeveri teknike ndërsa në qarqe partitë janë duke bërë llogaritjet e tyre ku nuk mungon edhe rivaliteti mes aleatëve.
Vangjel Tavo, deputeti i LSI-së në Gjirokastër ka sfiduar Ramën dhe socialistët duke thënë se do partia e Metës do të jetë e para në këtë qark ashtu siç ndodhi edhe në zgjedhjet lokale.
“Në zgjedhjet e kaluara LSI u listua e para forcë politike në qarkun e Gjirokastrës, dhe do të vazhdojë të jetë e para edhe në zgjedhjet e 18 Qershorit, pasi mbështetja e qytetarëve të këtij qarku rritet dita ditës dhe e shohin LSI si forcën më përfaqësuese të nevojave të tyre dhe pritshmërive për të ardhmen”., – shprehet ai në një intervistë për “Shqiptarja.com” duke lënë të kuptohet se do të jetë vetë në krye të listës së LSI-së për këtë qark.
