Lëkundje të reja tërmeti kanë tronditur vendin tonë ditën e sotme. Sipas IGJEUM, një tërmet i lehtë me epiqendër 1 km ne jug- perëndim të Karpenit në Durrës i ka dhënë një shkundje të lehtë Shqipërisë.
Siç shihet edhe në grafik, tërmeti ishte i lehtë me magnitudë 2.9. Lëkundjet janë resgjistruar paraditen e sotme, në orën 10:46 minuta. Dhe fatmirësisht nuk ka pasur as të lënduar dhe as dëme materiale.
Ditët e fundit Shqipëria është goditur nga tërmet të lehtë ndërkohë që vetëm pak javë më parë një tërmet i fuqishëm goditi vendin tonë duke lënë pas 100 persona mbetën të plagosur.
Tërmeti me magnitudë 5.8 kishte epiqendër qytetin e Durrësit, por u ndje në të gjithë Shqipërinë. Dëmet materiale ishin të shumta, pasi numërohen qindra banesa të dëmtuara.