Nga Mirela Kumbaro
Qarku i Gjirokastrës i prin fitores së Partisë Socialiste në gjithë Shqipërinë, sepse mbështet projektet, ekipin, transformimet e mëdha, vizionin dhe kandidatët më të mirë që kryefjalë kanë punën dhe shokun më besnik qytetarin!
Me Tërmet Peçin në Tepelenë që mban rekordin kombëtar të këtyre zgjedhjeve të besimit të jashtëzakonshëm me 82,7%, i ndjekur nga një tjetër kryetar pasionant e punëshumë si Dhimitraq Toli i Dropullit, me 81,25% të votave në këtë #14Maj. S’mund të mungonte një zonjë si Alma Hoxha në listën e kryebashkiakëve më të votuar, me 76,8% në Përmet dhe natyrisht as Flamur Golemi i Gjirokastrës me një tjetër rezultat historik prej 70,5% .
Konfirmim po ashtu në Këlcyrë, me Klement Ndonin dhe fitore shumë e sprovuar në Libohovën time, me Leonard Hiden, pjesëtarin më të ri të familjes së Partisë Socialiste, që në një kohë shumë të shkurtër bëri një fushatë të shkëlqyer dhe eksperienca e tij është garanci për besimin e fituar në këto zgjedhje.
Qytetarët e Memaliajt zgjodhën ndryshe, dhe ne i kuptojmë mesazhet e tyre për të reflektuar e për t’u kthyer në Memaliaj më të fortë. E pavarësisht kësaj, edhe në Memaliaj Partia Socialiste do të ketë shumicën e anëtarëve të Këshillit Bashkiak, si siguria më e madhe për të çuar përpara punët e mira për banorët e tij.
E tani që numërimi i kutive të fundit po përfundon, dua t’i falenderoj nga zemra e t’i shpreh mirënjohjen më të përulur të gjithë gjirokastritëve, përmetarëve, libohovitëve, tepelenasve, këlcyriotëve, dropullitëve dhe memaliotëve për gjithë emocionet e bukura dhe besimin që na bën krenarë për #PS ❤️
