Kryeministri Edi Rama ishte sot pasdite në për një vizitë private në Gjirokastër. Mësohet se kreu i qeverisë kishte ardhur për të shoqëruar presidentin kroat, Zoran Milanoviç, i cili ndodhet në jug të Shqipërisë për disa ditë pushimi. Rama dhe Milanoviç u pritën nga kryebashkiaku Flamur Golemi, si dhe u shoqëruan në disa prej pikave kryesore të qytetit, si kështjella e Argjirosë, shtëpia e Kadaresë, pazari historik etj.
Presidenti i Kroacisë ishte në Gjirokastër së bashku me familjen. Në përfundim të vizitës, të dy liderat iu drejtuan sërish jugut të vendit. Argjirolajm.net sjell pamje nga momenti kur kryeministri qëndronte në hyrje të pazarit me kryebashkiakun Flamur Golemi.
Rama po pushon prej disa ditësh në rezidencën qeveritare në Dhërmi. Në fillim të kësaj jave ai ishte sërish në Gjirokastër, ku inspektoi punimet e rrugës Kardhiq-Delvinë, aty ku tashmë ka nisur edhe faza më e vështirë e këtij projekti të rëndësishëm infrastrukturor, hapja e tunelit.
©argjiroja.net