Kryetarja e LSI, Monika Kryemadhi insiston në idenë e saj se koronavirusi është një konspiracion.
“E dimë të gjithë se koronavirusi është prodhuar nga një laborator në Kinë, prandaj ka përplasje mes SHBA dhe Kinës.
Ideja e koronavirusit kishte idenë e një arme të vrasjes në masë.
Unë nuk mendoj se është një virus si ebola dhe gripi i derrit, nuk është bakterologjik, por sintetik, prandaj bota është konfuze.
Ky është mendimi im dhe nuk ma ndryshon as Karlo dhe as presidenti Donald Trump”, deklaroi Kryemadhi.
Kryemadhi deklaroi nga studio e OPEN në Top Channel se shifrat e raportuara nga institucionet në Shqipëri nuk janë të sakta.
“Për mua shifra nuk janë absolutisht të sakta, janë mashtrim.
Qeveria nuk raporton shifra të sakta. Koronavirusin e kemi që në dhjetor.
Janar dhe shkurt ka patur një numër të madh.
Qeveria duhet të thojë na falni, nuk dime të menaxhojmë.
Ne nuk themi sa persona të tjerë vdesin për shkak të sëmundjeve të tjera.
Këtu ka konspiracion, po riformatohen strukturat ekonomike botërore.
Edhe pse kemi lider të madh, ne jemi një pikë në oqean. Qeveria ka terrorizuar qytetarët”, tha Kryemadhi.
