Moderatorja Kiara Tito ka pësuar një incident brenda shtëpisë së Big Brother Vip. Teksa ishte duke luajtur me karrige është rrëzuar në tokë dhe ka shpërthyer në lot nga dhimbjet.
Menjëherë Vëllai i Madh i urdhëroi banorët që të mos ta lëvizin moderatoren pasi një ekip me mjekë po shkon drejt shtëpisë për tí dhënë ndihmën e nevojshme.
Janë vajzat Mikela dhe Tea ato të cilat po i qëndrojnë mbi kokë dhe sigurisht dhe Luizi i cili menjëherë ka shkuar drejt dhomës së gjumit për të marrë një jastëk për t’ia vendosur.
E shtrirë në tokë moderatorja tregon se ndjen dhimbje muskulare. “Kam dhimbje muskulare, ju betohem që nuk po tallem. Kam shumë dhimbje”, dëgjohet të thotë Kiara.
Ndërkohë, newsbomb.al mëson se menjëherë pas incidentit Kiara u nis drejt spitalit “Hygeia” për të marrë ndihmën e nevojshme mjekësore dhe për të kryer më tepër ekzaminime.
