Presidenti turk Rexhep Tajip Erdogan ka folur për mediet pas tërmetit tragjik që goditi vendin etij. Presidenti turk ka bërë me dije se mbi 53 mijë anëtarë të ekipeve të kërkim shpëetimit ndodhen në terren dhe po punojnë intensivisht për të nxjerrë të mbijetuarit nga rrënojat.
Ai deklaroi se janë ndarë nga buxheti i shtetit 100 miliard lira (5 miliard dollarë) për të përballuar pasojat e fatkeqësisë.
Erdogan: Aktualisht, 53,317 oficerët tanë të kërkim-shpëtimit dhe personeli mbështetës po punojnë në zonën e rrënojave, dhe ky numër po rritet çdo orë që kalon me ekipe shtesë që vijnë nga jashtë. Gjithashtu po zbatojmë hap pas hapi masat për plotësimin e të gjitha nevojave të viktimave të fatkeqësisë që i kanë shpëtuar tërmetit.
54 mijë tenda, 102 mijë shtretër dhe materiale të tjera u dërguan në rajon për t’iu dorëzuar viktimave të fatkeqësisë.
Ekspertët thonë se ‘Nuk ka asnjë shembull në botë’ për këtë tërmet.
Në selinë e AFAD-it po punon nënkryetari ynë dhe jemi në kontakt të vazhdueshëm me miqtë tanë në terren, duke ndjekur zhvillimet dhe duke bërë ndërhyrjet e nevojshme.
Në radhë të parë, ne ndamë menjëherë një burim prej 100 miliardë lirash për institucionet tona për ndihmë emergjente dhe aktivitete mbështetëse. Mbajtja e hapur e linjave të transportit dhe komunikimit është e një rëndësie jetike.Për shkak të kushteve të vështira të dimrit, ka ende vështirësi në dërgimin e ekipeve të kërkim-shpëtimit dhe pajisjeve dhe materialeve të ndihmës në zonën e tërmetit. Për këtë, rikujtoj se askush nuk duhet të përdorë rrugët në zonën e tërmetit nëse nuk është e nevojshme.
Në shëndetësi, në qark u transferuan gjithsej 5 mijë personel shëndetësor me afro një mijë autoambulanca, 241 ekipe të UMKE dhe 2 avionë ambulanca. Qytetarët tanë në mbarë vendin dhurojnë gjak për ta përdorur në rast nevoje. Policia dhe xhandarmëria jonë janë në shërbim në të gjithë zonën e fatkeqësisë. Në këto aktivitete marrin pjesë aktive edhe rojet tona të sigurisë.
Presidenti ka njoftuar gjithashtu se është vendosur gjendja emergjente për 3 muaj në 10 provinca të goditura nga tërmeti.
Erdogan: Rëndësia e fatkeqësisë së tërmetit dhe efektet e tij kërkojnë që ne të marrim masa të jashtëzakonshme. Ne shpallim 10 provinca të prekura nga tërmeti si zona fatkeqësish dhe shpallim gjendjen e jashtëzakonshme për 3 muaj. Prioriteti ynë është të përshpejtojmë përpjekjet e kërkim-shpëtimit, më pas do të fillojmë shpejt heqjen e mbeturinave dhe më pas rindërtimin. Allahu e ndihmoftë vendin dhe kombin tonë.
