Faruk Ozer, 28-vjeçari turk i akuzuar për mashtrim me vlerë miliona euro me kriptomenedhat është arrestuar në një plazh në Jug të vendit. Por Ozer sipas burimeve nga policia jetonte banonte në lagjen “5 maji” në Elbasan dhe në disa qytete te tjera te vendit per te humbur gjurmet.
Bashke me turkun është arrestuar edhe një person tjetër qe e shoqëronte. Organet ligjzbatuese shqiptare prej kohësh ishin në gjurmim të vend ndodhjes së tij si dhe kishin identifikuar personat me të cilët shoqërohej. Faruk Fatih Özer fshihej në Shqipëri prej shumë kohësh dhe madje Turqia kërkoi vitin e kaluar ekstradimin e tij.
Özer akuzohet se ka mashtruar dhjetëra mijëra turq, të cilët kishin investuar paratë e tyre në monedhën virtuale turke “Thodex”, e cila shpalli falimentin.
Faruk Fatih Özer, themeluesi i shkëmbimit të kriptove Thodex, humbi gjurmët pasi u konstatua se ai u arratis në Shqipëri më 20 prill 2021 me miliona dollarë kripto para që i përkisnin 400 mijë njerëzve.
Informacioni i fundit i futur në dosjen e Prokurorisë së Përgjithshme të Stambollit, ku po kryhet hetimi në lidhje me vendndodhjen e Faruk Fatih Özer, ishte se ai ndodhej në Shqipëri. Bosi i arratisur i Thodex, përdorte një telefon të modës së vjetër në vend të një telefoni inteligjent.
