Një aksion anti-drogë është zhvilluar në kufirin greko-shqiptar ditën e djeshme. Gjatë operacionit të kryer në fshatin Likostomo në Janinë janë kapur rreth 110 kg marijuanë.
Kjo sasi droge e ndarë në 25 pako ishte në pronësi të dy grekëve, 22 dhe 24 vjeç të cilët përfunduan në prangat e policisë fqinje.
Nga hetimet u zbulua se ata vepronin nën urdhrat e dy shtetasve shqiptarëve, emrat e të cilëve nuk bëhen të ditur.
Operacioni vazhdoi në zonën Agia Axaia, ku u bë i mundur edhe arrestimi i dy shqiptarëve të dyshuar, 19 dhe 29 vjeç. Sipas policisë greke, në momentin e arrestimit, dy të rinjve shqiptarë iu gjetën edhe 500 gr marijuanë.
