Izolohet një qytet i tërë në Greqi, shumë afër me Shqipërinë

Shifrat janë rritur ndjeshëm, ditë pas dite në Greqi. Qyteti më problematik është Kozani, pranë Shqipërisë, i cili është izoluar i tëri deri në 29 tetor. Askush nuk lejohet të hyjë e të dalë nga qyteti.
Maska është vendosur me detyrim kudo në ambiente të hapura dhe të mbyllura.
Janë mbyllur të gjithë baret, restorantet, muzeumet, këndet e lojërave, dyqanet, gjykatat dhe palestrat.
Shkollat do vazhdojnë të jenë të hapura dhe mësuesit e nxënësit duhet të mbajnë gjatë gjithë kohës maska.
Greqia raportoi 453 raste të reja në 24 orët e fundit dhe ky ishte rekordi që prej shkurtit të kaluar.