Ish-drejtuesi i Krimeve të Rënda, Eugen Beçi ka treguar vendet se ku mund t’i mbajnë paratë zyrtarët e korruptuar apo persona të inkriminuar. I ftuar në ‘Open”, Beçi tha se ka vende të ndryshme, si muret. çatitë, dyshekë apo kasaforta. Ai tregoi një rast të një personi që miu i kishte ngrënë 50 mijë euro dhe ai kërkonte brejtësin në shtëpi për të marrë hakun.
“Zyrtarët e korruptuar dhe krimi i organizuar i mbajnë në shtëpi, gjenerojnë krim, korrupsion dhe kompanitë e mëdha me likuiditete të mëdha në banka mbajnë në shtëpi shumë me të cilat kryejnë korrupsion. Mbahen në kasaforta, në dyshek, në tubat e aspirimit, në banesa fshati në çati, janë gjetur 5 milion lekë në kartëmonedha të vjetra që ishin fshehur në trarët e shtëpisë. Mbajtja KESH ka rrezik se miklon hajdutët, por janë dëmtuar edhe nga brejtësi. Miu një personi i kishte ngrënë 50 mijë euro dhe ai vijonte të kërkonte miun që t’i merrte hakun e 50 mijë euro. Në një vend ku ka kesh krimi i organizuar dhe korrupsioni bëjnë qejf,”- tha Beçi.
