Ish-deputeti i PD-së, Tritan Shehu ka reaguar pasi gruaja e diktatorit Enver Hoxha, Nexhmija ka publikuar librin e saj ku flet për përjetime nga jeta personale. Sipas Shehut, ligji Antishpifje, duhet Të funskionojë edhe për shkrimet e Nexhmije Hoxhës ku tregon për rrëfimet e saj dhe ndër të përmendurit ka qenë edhe Partia Demokratike me anëtarët e parë të saj.
Shehu shprehet se ky ligj është miratuar mbrapsht pasi e lejon të venë e diktatorit të hedhë baltë mbi Lëvizjen Demokratike.
“Ligji “anti shpifje” i Rames nuk ndalon Nexhmije Hoxhen te hedhe balte mbi levizjen demokratike”! “Zonja e Zeze” guxon te shpife, trilloje e njollose ate levizje, personazhet e saj, studentet, masen e njerrezve, qe u ngriten e luftuan per demokraci dhe autori i ligjit “anti shpifje” gezohet ne heshtje, ndersa con ne gjyq edhe nje gazetar, qofte per nje metafore!!! Ajo perdor terma si vandale, rrembyes, bandat e paguara te PD, huligane, me nje urrejtje gjak kerkuese ndaj nje levizje te tere, qe i solli vendit lirine, ashtu si dikur me Nenin 55 nxiste e duartrokiste kur denoheshin, vriteshin, terhiqeshin zvarre me urdhera te dale nga shtepis e saj, duke gjakosur nje popull te te tere. A mundet te me thuhet cdo ndodhte ne Gjermani a Itali nqs autoret e krimeve do te dilnin nga erresira e ferrit e do te guxonin te publikonin te tilla pacavure per anti nazistet, anti fashistet, do te glorifikonin Hitlerin, Musolinin, vellezer siamenze keta me ate tonin, edhe pa pasur aty nje ligj “anti shpifje” si ky i Rames ketu?! Mjafton vetem kjo per te kuptuar thelbin e mbrapshte te miratimit nga ky “Parlament” antikushtetues te atij “Ligji Rama”, selektivitetin e tij, qellimin e tij vetem per t’i mbyllur gojen nje populli te tere, duke i dhene ze “xhelateve” te djeshem a dishepujve te tyre te sotem. O tempora, O mores!”– shkruan Shehu.
Nexhmije Hoxha pak ditë më parë ka publikuar një libër, të titulluar “Përjetime dhe meditime në jetën time politike”, ku ka rrëfyer jetën e saj në politikë dhe vitet pas vdekjes së Enver Hoxhës. Po ashtu e veja e diktatorit tregon momentet më të rëndëishme në kohën kur ajo ishte në krye të shtetit.
