S’ka surpriza as në Memaliaj. Kandidati i paracaktuar, Alberta Malaj, ka rezultuar fitues në primaret brenda PD-së. Ai ka marrë 300 vota kundrejt 20 votave të kandidatit tjetër Bukurosh Ajdini. Kujtojmë se Malaj në zgjedhjet e vitit 2021 kandidonte për deputet me LSI-në, ku në Memaliaj mori rreth 900 vota.
Ndërkohë në vitin 2015 në zgjedhjet lokale, Malaj kandidonte për Partinë Social Demokrate të Skënder Gjinushit. Për ato zgjedhje ai akuzoi PS-në dhe LSI-në se ia vodhën fitoren. Deklaratat i bëri gjatë një interviste në vitin 2021 në Channel 7, televizionin e familjes Tavo.
Ky është kandidimi i tij i tretë dhe me ç’duket të tretën të vërtetën do ta provojë me Partinë Demokratike të udhëhequr nga Sali Berisha. ©argjiroja.net