Nga Laert Duraj
Të dashur qytetarë të Bashkisë Memaliaj, Gara për Bashkinë Memaliaj pritej të ishte garë e fortë. Dhe megjithëse skuadra jonë i bëri të gjitha përpjekjet, ne sërish nuk arritëm të dilnim fitues. Përtej kësaj, dua të bëj një falënderim për të gjithë skuadrën e palodhur të fushatës, socialistët, simpatizantët e Partisë Socialiste dhe për të gjithë ata të cilët me votën e tyre mbështetën kandidatin tonë dhe Partinë Socialiste! Falë kësaj mbështetjeje, Partia Socialiste ka shumicën në Këshillin Bashkiak, gjë që ndodh për herë të parë në këtë Bashki. Dhe për skuadrën e Bashkisë Memaliaj, e cila na ka bërë tejet krenarë për punën e jashtëzakonshme që ka bërë në çdo cep të Bashkisë, vlerësime dhe falënderime maksimale! Ky ka qenë mandati me bilancin më pozitiv të punëve të kryera! Dhe është jo pak, prandaj nga ky moment ne socialistët dhe mbështetësit tanë, do të ringrihemi dhe do të rinisim ecjen tonë përpara duke filluar me një proces analize dhe reflektimi të thellë!
Faleminderit!
