Këtë mëngjes, 59-vjeçari Kleanth Laci u arrestua nga policia e Tepelenës. Dy ditë më parë, ai u dhunua nga tre persona të cilët e goditën me grushte dhe mjete të forta.
Policia ndaloi një prej autorëve të sulmit ndaj mësuesit Laçi që rezultoi se ishte vëllai i së miturës të cilën 59-vjeçari dyshohet se ka ngacmuar në mjediset e shkollës.
Albi Gumeni 29 vjeç u ndalur për plagosje të lehtë me dashje nën akuzën e vetëgjyqësisë. Ishte ai që ka denoncuar ngacmimin e së motrës në polici pas ndalimit. Ndalimi i mësuesit 59-vjeçar sipas policisë u bë pasi nga kallëzimet e marra në lidhje me këtë rast, dyshohet se ai ka ngacmuar seksualisht 2 shtetase të mitura. Megjithatë kjo pritet të saktësohet më tej nga hetimet që po zhvillohen prej Prokurorisë së Gjirokastrës.