Një aeroplan zjarrfikës, i modelit “PZL” është rrëzuar gjatë operimit në Zakynthos të Greqisë.Mediat Helene shkruajnë se piloti i avionit për fat të mirë ka arritur t’i mbijetojë rrëzimit dhe ndodhet në gjendje të mirë shëndetësore.
Ai është ndihmuar nga zjarrfikës të tjerë në momentin që është rrëzuar. Ky avion dhe një tjetër luftarak, ishin dërguar për të menaxhuar dhe neutralizuar zjarret në zonën e Lagopodo-Macherado, shkruajnë mediat greke.
Në këtë zonë, ndodhen edhe 24 zjarrfikës dhe 7 automjete, ndërsa rrethanat e incidentit ende nuk dihet. Kujtojmë që prej 1 jave Greqia po përballet me zjarre të shumta.
