Banorët e një lagjeje në Greqi në Kamena Vurlon janë alarmuar, kur dëgjuan zgjurmën e madhe nga një shpërthim rreth orës katër të mëngjesit sot. Siç raportojnë mediet greke, persona të panjohur kanë hedhur në erë bankomatin që ndodhej në poshtë pallatit, duke shkaktuar panik në lagje. Në panik e sipër banorët e pallatit zbritën poshtë për të parë se çfarë po ndodhte.
Aty njëri prej tyre u u përballë kokë më kokë më njërin prej grabitësve (me fytyrë të mbuluar me kapuç), i cili u largua me vrap nga vendngjarja dhe u zhduk. Grabitësit kanë vepruar me gjakftohtësi të plotë, pasi kanë marrë me vete vetëm kasën me kartëmonedhat 50 euro, duke lënë atë me 20 euro dhe më pas janë larguar nga vendi i ngjarjes me një makinë. Policia po punon për zbardhjen e plotë të ngjarjes dhe identifikimin dhe kapjen e autorëve.
