Zëvendës minsitrja e Mjedisit dhe Turizmit, Ornela Çuçi, ka folur sot për një temë e cila gjithmonë është debatuar, përdorimi i gjuhës greke në disa fshatra në Jug të Shqipërisë. Në një intervistë në Ora News, Çuçi u shpreh se përdorimi i gjuhës greke nuk është një politikë qeveritare, por politikë e shitësit ose atij që ofron shërbimin. Ajo thote që nëse shërbimi nuk ofrohet në shqip, të mos merret në greqisht.
“Unë nuk e kam hasur ndonjëherë, por do ta jap një eksperiencë timen personale. Në Strasburg, nëse ti futesh në një dyan edhe pse është një nga qendra e Europës, ka qendra tregtare ku nuk shërbehesh po nuk dite frëngjisht.
Nuk është politikë qeveritare, por politikë e dyqanxhiut, e shitësit të dyqanit dhe e tregtisë. Është politikë e personit që e ofron këtë shërbim, ose nuk di shqip. Nëse ky shërbim nuk të ofrohet në shqip, mos e merr shërbimin në greqisht”, tha zv. ministrja Çuçi.