Policia e Gjirokastrës ka vendosur gjatë javës që lamë pas 192 gjoba, si dhe ka bllokuar një automjet. Në komunikatën përmbledhëse të javës thuhet gjithashtu se janë proceduar penalisht 13 persona për ngjarje të ndryshme.
Njoftimi
Gjatë javës që lamë pas kanë vijuar kontrollet nga Strukturat e Drejtorisë Vendore të Policisë Gjirokastër, me qëllim parandalimin e ngjarjeve kriminale, goditjen e paligjshmërisë dhe kapjen e personave të shpallur në kërkim.
13 shtetas janë proçeduar penalisht për vepra të ndryshme penale nga të cilët:
1 shtetas është arrestuar për veprën penale “Vjedhje”, 1 shtetas është ndaluar dhe 11 janë proçeduar penalisht në gjendje të lirë.
• Vijon zbatimi i planit të masave nga Policia Rrugore Gjirokastër, për rritjen e parametrave të sigurisë rrugore.
Janë vendosur 192 masa administrative për shkelje të ndryshme të Kodit Rrugor dhe është bllokuar 1 automjet.
• Gjatë kësaj jave kanë vijuar takimet sensibilizuese me nxënësit e shkollave për t’i thënë “STOP” duhanit, alkoolit dhe drogës.
Me rastin e 1 Qershorit është vizituar Shtëpia e Fëmijëve “Vatra e Ngrohtë”, ku nga ana e Drejtuesve të D.V.P. Gjirokastër janë shpërndarë dhurata për fëmijet
• Në zbatim të plan-masave për kontrollin e territorit me qëllim parandalimin dhe goditjen e kultivimit të bimëve narkotike, nga strukturat Policore të Komisariateve të Policisë Gjirokastër, Tepelenë dhe Përmet janë ushtruar kontrollet në të gjithë territorin e Qarkut Gjirokastër.
D.V.P. Gjirokastër fton të gjithë qytetarët të denoncojnë në numrin pa pagesë 112 dhe në aplikacionin “Komisariati Digital” për çdo shkelje të ligjit , duke ju garantuar reagimin e shpejtë dhe profesional.
