Një rrap emblematik në Pazarin e Gjirokastrës është thyer mëngjesin e sotëm në një pjesë për shkak të motit të keq. Është fjala për rrapin në vendin e njohur si Klubi i Gjuetarëve. Ky vend ishte për vite me radhë një pikë referimi për gjuetarët, por vitet e fundit edhe për turistët që vizitojnë Gjirokastrën. Por cila është historia e këtij klubi, prej së cilit le të themi që fitoi më shumë famë edhe rrapi hijerëndë që qëndronte aty prej vitesh.
Deri në vitin 1947 ka qenë një kafene e Prefekturës Gjirokastër. Më pas u kthye në Klubin e Gjuetarëve me sekretar Petro Njocko, kafexhi Qemo Gega, e me pas Malo Shehu e Kato Bedjava. Në këtë hapësirë u vendosën karrige, tavolina, paisje per zierjen e kafesë etj. Mezet me mish gjahu, i përgatiste Cile Muka. Në këtë hapësirë ishin zyrat, salla e mbledhjeve, e leximit dhe dy bilardo jashtë klubit për argëtimin e gjuetarëve. Në një nga dyqanet e godines tek Zigai ne vitin l947 u mblodh kryesia e pare e gjuetareve qe perbehej nga Dr.Vasil laboviti, Kryetar, dhe nenkryetar Shaban Mero e Kristaq Qurku, anëtarë Dhimo Bashari, Sami Dalipi, Jano Nini, Tase Liti.
Kristaqi punoi për bashkimin dhe organizimin e gjuetive kolektive, hapjen e klubit me te ardhurat nga gjahu, detyra qe i ndiqte pas punes qe bente ne Punetorine Ushtarake. Deri ne 1955 shoqata kishte 40 gjuetarë nga qyteti dhe l60 nga fshati.
Konferenca e pare e gjuetareve dhe peshkatareve sportive u mbajt ne vitin 1950 me kryetar Sherif Zenelin qe ishte kryetar i Komitetit Ekzekutiv te qytetit, i pasionuar pas gjuetise dhe nenkryetar Shaban Mero e anetare Dhimo Bashari, Tase Liti, Dr. Vasil Laboviti, Kristaq Qurku, Mino Noti, Kapo Kaçi, Zaho Margariti, Beqo Mero.
Në garat e shpallura në shkallë Republike 15 gjuetarë, nga më të mirët e shoqatës, zunë vend të parë për kapjen e 14 derrave të egër në zonën e Butrintit, mishi i te cilave u perdor per furnizimin e tregut.