Ditën e sotme është bërë zhvendosja e shtatores së Çerçiz Topullit në Gjirokastër, në sheshin që mban emrin e tij dhe ku qëndronte prej 97 vitesh. Zhvendosja është provizore për shkak të punimeve që po kryhen për rehabilitimin e kësaj hapësire dhe ndërtimin e parkingut nëntokësor. Mësohet se bashkë me shtatoren është hequr edhe bazamenti me vlera monumentale ku ishte fiksuar punimi i mjeshtrit Odise Paskali qysh prej vitit 1934. Bëhet fjalë për disa pllaka mermeri të sjella nga Italia në ato vite. Disa javë më parë pati një debat për këtë çështje për mënyrën se si do të bëhej zhvendosja e monumentit. Por duket se deri më tani gjithçka ka shkuar mirë. Shtatorja e Çerçiz Topullit do të rikthehet sërish në po të njëjtin vend sapo të përfundojnë punimet në shesh. Argjirolajm.net sjell pamjet e para pak pasi nisi zhvendosja.