Ditën e sotme, një 51-vjeçar nga Kukësi është gjetur pa shenja jete në Vlorë, në fshatin Alikok. Policia njofton se trupi i pajetë është gjetur në një kanal me ujë, ndërsa nga këqyra paraprake e trupit nuk janë konstatuar shenja dhune.
Kanë nisur hetimet për zbardhjen e ngjarjes.
“Rreth orës 10:30, në fshatin Alikok, është gjetur pa shenja jete, në një kanal me ujë, shtetasi A. K., 51 vjeç, me vendbanim në Kukës. Nga këqyrja paraprake e trupit nuk janë konstatuar shenja dhune. Grupi hetimor po punon për zbardhjen e rrethanave të ngjarjes dhe përcaktimin e shkakut të vdekjes.”, njofton policia.
