Moti nuk i ka mbaruar ende kapriçiot. Edhe pse në fund dimri, temperaturat pësojnë luhatje të vazhdueshme deri në nivelet më ekstreme të tyre. Sipas parashikimeve të shërbimit sinoptik, Meteoalb, deri ditën e premte moti në të gjithë vendin do të vijojë të jetë i qëndrueshëm, me kthjellime dominuese, por herë pas here edhe me kalime vranësirash të lehta.
Ndryshe parashikohet fundjava, në të cilën priten ndryshime të papritura. Pasditen e së premtes dhe ditën e shtunë do të shtohen varësirat dhe shirat, ndërsa e diela do të sjellë sërish kthjellime në pothuaj të gjithë territorin e vendit, bashkë me temperatura surprizuese.
Gjatë këtyre ditëve të para të javës, temperaturat e ajrit do të jetë të pandryshueshme dhe tipike për stinën e dimrit, por pas ditës së mërkurë do të ketë rritje të ndjeshme në të dy vlerat ekstreme, duke bërë që termometri të premten të ngjitet me mbi 20 gradë C.
Bëhuni gati! Pranvera është afër!
