Ky sezon turistik ka sjell në Shqipëri si asnjëherë më parë edhe shumë turistë nga Serbia. Jugu ishte destinacioni kryesor i tyre. Po kështu edhe për shqiptarët nga Kosova plazhet e jugut dhe destinacione të tjera kanë pritur këtë sezon pushues të shumtë nga Kosova. Në Gjirokastër kemi mundur sot të fiksojmë diçka që natyrisht tërheq vëmendjen. Dy automjete të parkuar pranë njëri-tjetrit nuk është e pazakontë. Por nëse sheh me vëmendje targat e tyre, sigurisht që ndalesh për një moment. “Opeli” është me targa serbe ndërsa “Chrysler Sebring” është me targa të Kosovës. Serbia nuk e njeh ende pavarësinë e Kosovës edhe pse ajo është realitet prej vitit 2008. Nuk pranon as targat e saj për makinat që hyjnë në territorin serb dhe asnjë simbol tjetër. Sidoqoftë kjo është vetëm çështje kohe. Një ditë Kosova do të marrë njohjen nga Serbia dhe do të ketë ulësen e saj në OKB. Eshtë vetëm çështje kohe. ©argjiroja.net