Finalja e Superkupës së Italisë: Juventusi dhe Napoli në kërkim të trofeut të parë në vitin 2021

Finalja e Superkupës së Italisë: Juventusi dhe Napoli në kërkim të trofeut të parë në vitin 2021 Luhet Superkupa e Italisë, Juventus-Napoli. Në “Mapei Stadium”, më Reggio Emilia, do të jepet trofeu i parë i sezonit 2020-2021. “Zonja e Vjetër”, fituese e titullit të Serisë A, përballë napolitanëve, që triumfuan në Kupën e Italisë. Humbja në “San Siro” ndaj Interit ka lënë gjurmë në kampin bardhezi. Triumfi i mundshëm në Superkupë do të ishte një shfaqje karakteri dhe force dhe do të hiqte të gjitha dyshimet që lindën pas paraqitjes së dobët, të dielën në mbrëmje. Andrea Pirlo kërkon trofeun e parë të sezonit dhe për ta arritur këtë qëllim kërkon qasje tjetër nga ana e lojtarëve.
Nga ana tjetër, Napoli vjen me moral dhe entuziazëm, falë ecurisë pozitive në ndeshjet e fundit, kur spikat fitorja me goleadë 6-0 ndaj Fiorentinës, në Serinë A. Juventusi dhe Napoli janë përballur tri herë në Superkupën e Italisë: në vitet 1990, 2012 dhe 2014. Në dy raste kanë triumfuar napolitaët, (1990 dhe 2014) dhe në një rast bardhezinjtë (2012). Zonja e vjetër ka mundur të triumfojë në 15 raste në Superkupën e Italisë, ndaj Napolit synon trofeun e radhës në edicionin e 33-të.
Juventusi ka arritur të shënojë në tetë ndeshjet e fundit në Superkupë dhe për herë të fundit nuk e ka gjetur golin në vitin 2005, teksa u mposht nga Interi me finalizimin e Veron. Npaoli kërkon të ruajë një miniserinë pozitive kundër bardhezinjve: në dy ndeshjet e fundit ka mundur të fitojë një takim dhe të barazojë një tjetër. Vëmendje të veçantë për Moratan e Juves dhe Lozanon e Napolit. Janë futbollistët e vetëm që kanë mundur të shënojnë në të gjitha kompeticionet në këtë sezon ((Serie A, Kupa e Italisë dhe Europa) dhe nuk duan të humbin takimin me golin as në Superkupë.