Vijon aksioni i Policisë për parandalimin, evidentimin dhe goditjen e paligjshmërisë. Gjatë fundjavës, blutë e Vlorës ka arrestuar në flagrancë 6 shtetas për vepra të ndryshme penale.
Vdekja e 17-vjeçarit, arrestohen manovratori dhe drejtuesi teknik i firmës –Specialistët për Hetimin e Krimit në Komisariatin e Policisë Vlorë arrestuan shtetasit E. M., 32 vjeç, me detyrë drejtues teknik dhe B. Xh., 29 vjeç, me detyrë manovrator i mjetit gërmues, të dy banues në Radhimë. Arrestimi i këtyre dy shtetasve u bë pasi ditën e djeshme, gjatë punimeve për hapjen e një shesh parkimi në lagjen “Ujë i Ftohtë” është goditur me mjetin gërmues dhe ka gjetur vdekjen në vend shtetasi J. B., 17 vjeç, banues në Radhimë.
Fidanë me kanabis – • R. K., 37 vjeç, banues në fshatin Trevllazër, Vlorë. Ky shtetas u kap në flagrancë gjatë kontrollit të trerritorit, pasi në pronën e tij, Policia gjeti të mbjella disa fidanë të dyshuara si cannabis sativa.
Ngacmim seksual – • S. S., 67 vjeç, banues në fshatin Çeprat, Vlorë, për veprën penale “Ngacmimi seksual”, pasi nga hetimet e kryera, dyshohet se një ditë më parë ka ngacmuar seksualisht një shtetase të mitur.
Drejtim mjeti në gjendje të dehur – • F. M., 28 vjeç, banues në fshatin Bishan, Vlorë. Ky shtetas u kap në lagjen “11 Janari” Vlorë, duke drejtuar automjetin në gjendje të dehur.
Drejtim mjeti pa leje – • A. K., 18 vjeç, banues në Sarandë. Ky shtetas u kap në lagjen nr.1 Sarandë, pasi u konstatua duke drejtuar automjetin pa leje drejtimi përkatës.
Materialet iu referuan Prokurorisë për veprime të mëtejshme.