Ambasadorja e Greqisë në Tiranë, Sofia Filipidhu dhe Konsulli i Përgjithshëm grek, Sekretar i Përgjithshëm i Diasporës dhe diplomacisë publike në ministrinë e Jashtme helene, Janis Krisullaqis kanë marrë pjesë në festimet që po mbahen me rastin e festës së Greqisë në Këlcyrë. Ata vizituan objektet fetare, por edhe varrezat ku sipas autoriteteve helene prehen eshtrat e rreth 950 ushtarëve grekë, që humbën jetën gjatë luftimeve me forcat fashiste italiane.
Festimet e përvitshme mbahen edhe në Shqipërinë në një festë që zhvillohet në qytetin e Këlcyres e që më pas zhvendoset në Bularat. Mësohet se në ceremoninë e Bularatit morën pjesë edhe familjarë të Konstandin Kacifas, banues i atij fshati që mbeti i vrarë më 28 tetor të vitit 2018, gjatë një përplasje me armë me policinë shqiptare, pikërisht gjatë festimeve për festën kombëtare të Greqisë. Pasi e pa veten të rrethuar nga Policia ai i dha fund jetës duke qëlluar veten me armën që mbante.
Ata përkujtuan 4-vjetorin e asaj ngjarje, por pa praninë e autoriteteve zyrtare. Ndërkohë edhe këtë vit Policia ka marrë masa duke ngritur postoblloqe dhe duke zbritur agjentët në terren në përpjekje për të shamangur trazirat e mundshme.
