Euro dhe lek, premtime për dhënien e shtetësisë greke dhe sigurimin e pensioni nga qeveria helene, kanë qënë format kryesore të blerjes së votave nga Fredi Beleri.
Kandidati fitues i kualicionit “Bashkë Fitojmë”, aktualisht ndodhet në burg së bashku bashkëpuntorin e tij të ngushtë, Pandeli Kokaveshi, për të cilët tashmë dosja është rregjistruar në prokurorinë e posaçme SPAK, për akuzën e “Korrupsionit aktiv në zgjedhje”.
Sipas vendimit të gjykatës prej 17 fletë, disa persona në Himarë, mereshin me aktivitet kriminal në fushën e krimeve zgjedhore, dhe më konkretisht me shit-blerjen e votës, duke u premtuar qytetarëve të ndryshëm ofrimin e shumave të caktuara në të holla kundrejt dhënies së votës.
Dyshohet se personat e përfshirë i përkasin subjektit politik “Bashkë Fitojme” dhe deri më tani rezultojnë të jenë Dhionisios Alfred Beleri, Sihat Guraj, Andrea Zeneli, Bledar Janushaj, Bashkim Davacaj dhe Koço Balla.
Në dosje evidentohet dyshime se këta shtetas në bashkëpunim me njëri-tjetrin kundrejt përfitimeve materiale të marra nga kandidati për Kryetar Bashkie i Aleancës Politike “Bashkë Fitojmë”, Dhionisios Alfred Petro Beleri, marrin shuma me vlera monetare nga ky i fundit dhe i shpërndajnë ato kundrejt premtimit për votë nga shtetas të ndryshëm në njësinë Administrative Horë- Vramsht dhe fshatrave që përmbledh kjo njësi administrative.
Më tej, në dosje evidentohet fakti se veç lekëve dhe eurove, në këmbim të votës pro subjektit Fredi Beleri, është premtimi për përfshirjen në skema për përfitimin e shtetësisë greke dhe përfitimin e pensionit në shtetin grek.
Në dosje evidentohet dhe një nga episodet e dokumentuara, ku Fredi Beleri, hyn në negociata me shtetasin A.R, për blerjen e 13 votave. Alfredi, i ka thënë se do verifikontë një gjë të tillë dhe do të komunikonin sërish bashkë për tu takuar.
Në vijim të kësaj bisede, sërish në 10 Maj 2023, ata janë takuar më njëri-tjetrin në lagjen “Potam”, jashtë ambienteve të lokalit “Gelateria”, ku sipas bisedave ambientale të përgjuara, kanë biseduar në mënyrë të përmbledhur lidhur me listën prej 13 personash të dorëzuar nga shtetasi A.R dhe shumën monetare që duhej të përfitonte secili prej tyre në këmbim të votës pro kandidatit Dhinisios Alfred Beleri.
Në këtë bisedë, ky shtetas i ka premtuar shtetasit A.R se do të paguante shumën prej 50 euro për person dhe 300 euro për shtetasin A.R, nëse shtetasi Dhionisios Alfred Beleri bindej sipas verifikimeve që ai do të kryente, se vota ishte hedhur pro tij.
Në këtë bisedë, Alfred Beleri,i premton shtetasit A.R se shumën monetare, do t’ja jepte po atë natë në darkë ose të nesërmen në mëngjes, përmes bashkëpuntorit të tij, Pandeli Kokaveshi./ Ora news
