• Lajme
  • Kryesore
  • Lifestyle
  • Show Bizz
  • Sport
  • Pikante
  • Planet
  • Argjiro +
  • Para dhe Pushtet
  • Portal pune
  • Faqe Interneti
Nuk ka rezultate
View All Result
  • Lajme
  • Kryesore
  • Lifestyle
  • Show Bizz
  • Sport
  • Pikante
  • Planet
  • Argjiro +
  • Para dhe Pushtet
  • Portal pune
  • Faqe Interneti
Nuk ka rezultate
View All Result
Nuk ka rezultate
View All Result

Eneda Tarifa dhe Fifi, pretendentet për të fituar çmimin e parë të “Këngës Magjike”

07/12/2019
Eneda Tarifa dhe Fifi, pretendentet për të fituar çmimin e parë të “Këngës Magjike”

Këtë edicion të festivalit “Kënga Magjike”, finalistët që do të ngjiten sonte në mbrëmje në skenën e “Pallatit të Kongreseve” nuk do ta kenë mbi supe të gjithë barrën e votimit për njëritjetrin. Ky është viti i parë që producenti dhe moderatori i “Këngës Magjike” vendosi të ndryshojë formulën e votimit.

Kështu, edicioni i 21-të i festivalit “Kënga Magjike” vjen me një koncept të ri. “Këtë vit në ‘Kënga Magjike’ veç artistëve në netët finale do të votojë edhe publiku, këtë vit do të votojë edhe Juria e New Artist, vetë Juria këtë vit do të ketë ndryshime, këtë vit… nuk po i tregoj të gjitha, di vetëm që ky edicion do të jetë thjesht ai që do donte publiku dhe artistët!

Ndaj, kush mendon të jetë pjesë e magjisë 2019, le të fillojë përgatitjet që tani, të tjerat na i lini neve”, shkruante Gjebrea disa muaj më parë në profilin e tij në “Instagram”. Me moton se çdo këngë e bukur në festivalin “Kënga Magjike” kthehet në hit, Gjebrea vendosi ta bëjë këtë ndryshim pas plot dy dekadash, duke e nisur dekadën e re me një koncept të ri. Dhe ja ku jemi sot, disa orë para shpalljes së çmimeve të natës finale dhe fituesit që do të rrëmbejë çmimin e madh.

Ethet kanë mbërthyer finalistët, të cilët pas shkundjes nga tërmeti fatkeq kanë shkundur votat që do të shkojnë për artistin, që do të rrëmbejë kupën e triumfit. Dhe tashmë kanë nisur të përfliten emrat e këngëtarëve, që mund të rivalizojnë për çmimin e madh. Edhe pse mund të diskutohen disa emra, si pretendentet kryesore po komentohen Eneda Tarifa dhe Filloreta Raçi (Fifi) me baladat e tyre.

Eneda Tarifa është rikthyer pas 11 vitesh në festivalin “Kënga Magjike”, si pasojë e disa mosmarrëveshjeve që ka pasur në të kaluarën, situata këto tejet të shpeshta në gara të tilla, sidomos në rastin kur kolegët votojnë njëri-tjetrin. Për herë të fundit në këtë kompeticion, këngëtarja u shfaq në vitin 2008, ku mori pjesë me këngën “Zëri im” dhe fituese u shpall Jonida Maliqi me “Njëri nga ata”. Këtë vit Eneda merr pjesë me këngën “Ma zgjat dorën”, e gjitha një produksion i Flori Mumajesit.

Këngëtarja shquhet për zërin e veçantë dhe deri më tani ka qenë 3 herë pjesëmarrëse në “Kënga Magjike”, që prej vitit 2001 me këngën që u kthye në hit. Ajo konkurroi gjithashtu në “Kënga Magjike 2006”, ku fitoi çmimin “Çesk Zadeja” dhe në vitin 2008 u vlerësua me çmimin “Fun Tune”.

Eneda arriti të performonte saktë live, ndërkohë që shumë media apo portale të Kosovës bënë një asosacion të vargut të saj “Zgjatma dorën”, me situatën pas tërmetit tragjik, ku shumë persona humbën jetën në Durrës. Shpërndarja e momenteve të këngës së Tarifës si formë ngushëlllimi për të dëmtuarit nga tërmeti, duket se e ktheu edhe më shumë vëmendjen te kjo këngë, që në fakt i dedikohet dashurisë në buzë të greminës.

Nga ana tjetër, si fituese përflitet edhe balada e Fifit “Marova”, pasi sipas mediave të Kosovës, vetë këngëtarja “ia vë syrin” çmimit fitues. Këtë herë Fifi vjen me këngën ‘Marova’, një baladë që në pak orë mori mijëra klikime dhe që e bën Fifin pretendente për fituesen e ‘Këngës Magjike’, pasi ajo ka të siguruar votën e publikut. Filloreta Raçi, e njohur ndryshe si Fifi, është një nga këngëtaret më të përfolura në mediat rozë. Me karakterin e veçantë dhe stilin e saj ka arritur të bëjë për vete publikun shqiptar.

Ky është viti i 3-të radhazi që Fifi merr pjesë në festivalin “Kënga Magjike”, gjithmonë duke sjellë këngë që pëlqehen nga publiku. Vitin e kaluar Fifi erdhi me këngën “Psikopatja jote”, në bashkëpunim me Mc Kreshën, e cila u pëlqye jashtëzakosnisht shumë nga publiku dhe fansat. Këngëtarja e ka punuar këngën me titullin “Marova” në “Threedots”, ndërsa tekstin dhe muzikën e ka shkruar vetë.

HERA E PARË QË KONKURROJNË TË HUAJ

Duke qenë se këtë vit në skenë ngjiten emra të njohur të vendeve fqinje, po përfliten edhe këngëtaret e huaja që morën pjesë në këtë garë. Por edhe pse emrat e tyre përfliten si fituese, duket se ende nuk janë pjekur kushtet që festivalin “Kënga Magjike” ta fitojë një artiste e huaj. Fjala është për këngëtaren greke, Maria Kiou, që performon “Mallon Trelenomai” dhe që u pëlqye nga të gjithë. Asnjë koment negativ për të, këngën, gjuhën, askund nuk mori pas performancës së saj.

Edhe Tamara Todevska me këngën “Monsters” komentohet si favorite për ta fituar këtë garë. Këngëtarja nga Maqedonia, e cila këtë vit përfaqësoi Maqedoninë në Eurovizion, u prezantua në festivalin “Kënga Magjike” me këngën e shkruar nga Kosta Petrov, me muzikë nga Robert Bilbilov, Darko Dimitrov dhe Lazar Cvetkovski. Ndërkohë që shumë është pëlqyer kënga e vëllezërve Stefi dhe Endri Prifti, me titull “Zemra ime është gjallë”.

Skenës së tyre iu bashkua edhe muzikanti i njohur Gent Myftaraj, duke luajtur në kitarë momentin e fortë të këngës me vargje të shkruara nga Pandi Laço. Revista “Anabel” ka bërë një sondazh, ku në sajë të votimit të publikut ka nxjerrë të parën Eneda Tarifën. Po si shkoi performanca e artistëve? Mund të konsiderohet edhe Soni Malaj fituese me “Shije tradhtie” nëse nuk do të stononte në skenë, ajo që i ndodhi edhe Armir Shahinit të “West Side Family”.

Ndërkohë, edhe pse përfliten disa emra të rinj si pretendentë, mes të cilëve nipi i Vaçe Zelës, Dario, nga eksperienca e viteve të mëparshme çmimin e parë e fiton një artist me karrierë. Ky festival pati edhe surpriza e largime, siç ishte rasti i Linda Halimit apo Besa Kokëdhimës.

Por edhe befasi si rasti i Egoza Ademit, e cila Këto janë rezultatet e sondazheve, të cilat sivjet që voton edhe publiku, i afrohen më shumë rezultatit final s’mundi dot ta prekë finalen me me baladën e saj të ndjerë, “Zemrës”. Ndërkohë që ra në sy pjesëmarrja e Marsela Çibukajt me “Thërrime dashurie”, Orgesa Zaimit me “Verën ku ma le”, Anxhela Peristerit me “Dikush i imi”, Juliana Pashës me “Nuk do qaj”, Lind Ismalit me “Ti m’ke rrit”, Rovena Dilos Ft Hit Man & Rolla – ”Cinderella”, Jehona Sopi me “Anej”, Erik Lloshi me “Zhgënjim total”, Marjona Metohu me “Bosh”, Inis Neziri me “Ishe ti”, Kastro Zizo me “Pema e jetës” apo Khuba, i cili hapi këtë vit kategorinë e “New Artist” me këngën që ia dedikon ish-të dashurës.

E nëse ndalojmë te juria e festivalit “New Artist”, Armend Rexhepagiqi mund të themi se ka pak konflikt interesi, pasi edhe merr pjesë me këngët e tij dhe voton, gjithsesi një artist i kalibrit të tij mundet t’i bëjë të dyja në të njëjtën garë./ Panorama

Për t’u bërë pjesë e grupit "ARGJIROJA" mjafton të klikoni: Join Group dhe kërkesa do t’ju aprovohet menjëherë.

Related Posts

Sot Pashkët/ Nga historiku, domethënia, ritet e deri te polemikat shekullore, si kremtohet kjo festë
Argjiro +

Sot Pashkët/ Nga historiku, domethënia, ritet e deri te polemikat shekullore, si kremtohet kjo festë

20/04/2025
Shqiptarët vishen me “Armani” e “Prada” të falsifikuara
Argjiro +

Shqiptarët vishen me “Armani” e “Prada” të falsifikuara

03/04/2025
Lonely Planet: 15 gjërat më të mira për të bërë në Shqipëri
Argjiro +

Lonely Planet: 15 gjërat më të mira për të bërë në Shqipëri

21/03/2025
Osman Taka dhe historia e valles epike
Argjiro +

Osman Taka dhe historia e valles epike

11/03/2025
Ku të shkoni në 2025?/ Vendet më të mira për t’u vizituar
Argjiro +

Ku të shkoni në 2025?/ Vendet më të mira për t’u vizituar

01/01/2025
Sipas mjekëve ai nuk do të ecte më kurrë, por tani ai fluturon
Argjiro +

Sipas mjekëve ai nuk do të ecte më kurrë, por tani ai fluturon

25/12/2024

Argjiroja.net është një media online e pavarur, që informon me profesionalizëm dhe shpejtësi lexuesit. Në vëmendjen tonë të veçantë janë kryesisht ngjarjet në jug të Shqipërisë, por edhe zhvillime të tjera të rëndësishme brenda e jashtë vendit.
Argjiroja.net është pjesë e NaN Studio Sh.P.K me NIPT M02012001P

Për marketing dhe çdo informacion tjetër na shkruani në adresën [email protected] ose në WhatsApp në numrin 069 24 77 431.

Të fundit

Rama: Demokratët të votojnë si socialistët në ’92, për fëmijët e tyre

Memorandumi i Kuçit, Rama zbulon sa mandate fiton PS

08/05/2025
Kandidatja e PS letër të hapur demokratëve të Vlorës

Kandidatja e PS letër të hapur demokratëve të Vlorës

08/05/2025
  • Kryesore

© 2023 Argjiroja.net Design by NanStudio.al

Nuk ka rezultate
View All Result
  • Lajme
  • Kryesore
  • Lifestyle
  • Show Bizz
  • Sport
  • Pikante
  • Planet
  • Argjiro +
  • Para dhe Pushtet
  • Portal pune
  • Faqe Interneti

© 2023 Argjiroja.net Design by NanStudio.al