Në 32 ka shkuar deri më tani numri i viktimave nga tërmeti. Por ende shumë persona janë nën rrënoja.
Një prej viktimave është edhe studentja e mjekësisë Kristi Reçi. Ajo kishte ëndër që bëhej doktoreshë dermatologe dhe të vazhdonte jetën në shërbim të komunitetit si mjeke, por jeta e saj u ndërpre.
Konfirmimin e jep vetë Rektori i Universitetit Mjeksor të Tiranës, Arben Gjata, i cili në Facebook shkruan se Kristi Reci, studente e këtij Universiteti, konfirmohet mes viktimave të tërmetit të mëngjesit të 26 nëntorit.
32 viktima, 658 të lënduar, 47 të shpëtuar, ky është bilanci i tërmetit deri më tani. Raportohet se mbi 25 persona janë ende të humbur dhe dyshohet se ndodhen nën rrënoja. Ndërkohë, 62 persona po marrin mjekim në spitalin e Traumës.
