Dalin detaje të reja nga aksidenti frikshëm që ndodhi në Tiranë në rrethrrotullimin e TEG ku 2 vajza humbën jetën dhe 4 persona të tjerë u plagosën. Mësohet se Klevis Ruçaj është shoferi 24-vjeçar i mjetit luksoz Audi A8, i cili lëvizte me shpejtësi skëterrë nga Farka në drejtim të rrethrrotullimit.
Bashkë me të në makinë ishin 2 vajza që kanë humbur jetën. Ato nuk juanë identifikuar ende për shkak të plagëve të marra. Makina me të cilën ato udhëtonin, me shofer Klevis Ruçaj, është shkatërruar plotësisht dhe është shtypur.
Makina e tij ka thyer barrierat dhe ka rënë poshtë mbi automjet Hyndai që po udhëtonte nga Elbasani në drejtim të Tiranës. Makina Hyndai drejtohej nga një 60-vjeçar i cili është plagosur bashkë me 2 pasagjerë të tjerë.
Është identifikuar vetëm njëra nga këro pasagjere e cila quhet Alda Kurti, e cila ndodhet në spital. Burime në vendin e ngjarjes thanë se Audi A8 ka çarë barrierat e rrethrrotullimit dhe ka përfunduar në skajin tjetër të autostradës duke kaluar në ajër tre korsi dhe bordurën ndarëse të rrugës.
Shpejtësia e lartë dhe përplasja e fortë ka bërë që mjeti të shkatërrohet plotësisht dhe dy pasagjeret femra të humbin jetën. Vetë shoferi 24 vjeçar Klevis Ruçaj ka i plagosur.
I plagosur: Klevis Ruçaj – 24 vjeç, shoferi i Audi
I plagosur: Q.K. – rreth 60 vjeç, shofer i Hyundai
E plagosur: Alda Kurti, – 51 vjeç, pasagjer në Hyundai
I plagosur: O.K, – 24 vjeç, pasagjer në Hyndai
Viktima: 2 vajza ende të paidentifikuara – pasagjere në Audi
