Një 55-vjeçar është hedhur nga kati i tretë i banesës ku jetonte në Vlorë e për pasojë ka ndërruar jetë.
Ngjarja ka ndodhur në fshatin Cerkovinë në qytetin bregdetar. Policia njofton se 55-vjeçari me iniciale D.A. është shtetas italian.
Nuk dihen rrethanat dhe arsyet pse e shtynë 55-vjeçarin që të ndërmarrë një akt të tillë.
Njoftimi i policisë:
Sot, rreth orës 18:00, në fshatin Cerkovinë, Vlorë, dyshohet se është vetëhedhur nga kati i tretë i banesës ku banonte, shtetasi italian D. A., rreth 55 vjeç, i cili si pasojë ka ndërruar jetë. Grupi hetimor po punon për sqarimin e plotë të rrethanave të ngjarjes.
