Një ditë më parë kryeministri Edi Rama shpërtheu në akuza ndaj ish-kreut të qeverisë, Sali Berisha duke e quajtur atë mbetje organike të papërpunueshme, ndërkohë që sot ka reaguar ish-kreu i demokratëve.
Në një postim në Facebook, Sali Berisha ka publikuar një fotomontazh të intervistës së Ramës në emisionin Open, të cilën e quan kartolinë për kryeministrin. Edhe Berisha në komentin e fotos, nuk ka kursyer akuzat dhe ofendimet.
“Një kartolinë me plot materie organike të patretshme për njeriun që nuk heq halën nga goja nga mëngjesi gjer në darkë!!”, shkruan Berisha.
“Ky është lideri yt shpirtëror. E kam sjell këtu këtë pusetë sepse është një nga shumë shembujt. Nxjerr puseta e Lalzit, një fotografi dhe thotë në zyrën e ndrikullës Hajri. Shiko çfarë burri, malësori, shiko çfarë edukate, mbeturine e papërpunueshme. Kjo është një foto e cila për fat të mirë është në Instagramin e ministres së Shëndetësisë më 8 mars dhe e nxjerr sikur është një foto e djeshme.
Ndajeni mendjen që fatalitetet janë të pashmangshme. Në Shqipëri nuk po ndodh asgjë ndryshe ngase po ndodh në vendet e tjera.
Ish-kryeministri është një mbetje organike e papërpunueshme. Kaq! Nuk kam më asnjë fjalë për atë dhe mos ma sill më. Ai qelbet mbi dhe. Ky është zotëria. Jam shumë krenar që as nuk më ka shkuar mendja ta votoj ndonjëherë.
Shkollat do të mbyllen vetëm nëse do ta sugjerojë komiteti teknik. Komiteti teknik i ekspertëve nuk sheh sot arsye për të mbyllur shkollat”, tha Rama në emisionin Open.
