Shërbimet Shëndetësore në Britani kanë filluae të testojnë një ilaç eskperimental, që mund të jetë efikas ndaj Covid-19. Sipas raportimeve të “Daily Mail” ky ilaç mendohet të jetë efikas 100% për mbrojtjen ndaj koronavirusit. Ilaçi u përdor edhe si kurë nga ish-presidenti Trumpm në momentin që ai u infektua nga Covid-19.
Kompania farmaceutike Regeneron tha ditën e martë se ilaçi i saj sjell një ulje 100% të infeksioneve. Sipas gazetës ‘Daily Mail’ ky ilaç sjell dhe një reduktim deri në 50% edhe të personave që janë asimptomatik. Në shtator të vitit që lamë pas, profesori Peter Horby i universitetit të Oksfordit i cili është i përfshirë në provën e këtij ilaçi tha se nuk kishte pasur raste me efekte anësore.
Bota është në një proçes vaksinimi dhe se po punohet që të gjendet një kurë efikase kundër Covid-19. Ndërkohë që vazhdon procesi i vaksinimit ekspertët thonë se brenda gjashtë maujve të kenë një vaksinë efikase kundrejt këtij virusi.
