Shumë njerëz e vendosin telefonin në “Silent mode” për të shmangur mesazhet dhe njoftimet e panumërta por në fakt, kjo gjë mund të rrisë stresin e tyre. Telefonat inteligjentë janë bërë të domosdoshëm për njerëzit por shumë, për të shmangur njoftimet e shumta, e vendosin atë në modalitetin e heshtur.
Studimi i publikuar në revistën “Computers in Human Behavior”, tregoi se ata që përdorin Silent Mode kalonin kohën më të lartë në mediat sociale dhe kontrollonin telefonin e tyre më shpesh sesa të tjerët. Kjo ishte veçanërisht e vërtetë për ata me FOMO ( frika nga mospërfshirja në diçka) të lartë.
Terapistët shpesh u thonë njerëzve të fikin telefonat e tyre në mënyrë që ata të mund të jenë më të pranishëm në jetën e tyre të përditshme, por ky studim sugjeron se mund të mos jetë mënyra më e mirë e veprimit për disa njerëz, tha Thea Gallagher.
