Agjencia e Gjeofizikës e Indonezisë konfirmoi se tërmeti që ra në Sulawesi të premten, ka shkaktuar cunami. Deklarata vjen pasi një video u shfaq në internet që tregon një cunam të madh duke goditur një qytet në këtë rajon.
Cunami deri në dy metra goditi rajonin e Palut. Sipas autoriteteve lokale, ujërat janë tërhequr. Nuk janë dhënë detaje për viktimat e mundshme. Filmimi i publikuar në Internet tregon një valë të madhe që vjen përgjatë bregut, ndërsa njerëzit ikin të frikësuar.
Në një pjesë tjetër të videos, uji mund të shihet duke u përplasur drejt Xhamisë “Baiturrahman”. Ngjarja u konfirmua gjithashtu nga “The Jakarta Post” nga një zyrtar në Muzeun Qendror Sulaëesi në Palu.
Më parë, një tërmet me magnitudë 7,7 goditi jashtë brigjeve të ishullit Sulaëesi. Një paralajmërim i cunamit u lëshua fillimisht nga agjencia meteorologjike e vendit, por u hoq pak më vonë. Lëkundja u ndoq nga një tërmet prej 6.1 ditsh të premten, ku humbi jetën një person dhe të paktën 10 vetë u lënduan
