Drejtohej nga një vajzë 22 vjeçe, kjo është makina që hodhi në greminë ‘furgonin e vdekjes’ (DETAJET)

Kjo që shihni në foto është makina tip “Land Rover”, e cila drejtohej nga një vajzë 22-vjeçare. Sipas informacionit nga policia, makina është përplasur me furgonin që drejtohej nga shoferi Bardhi Proda. Pas goditjes fatale, furgoni ka dalë nga rruga duke përfunduar rreth 20 metra në greminë. Ende nuk dihet me siguri nëse ka pasur një manovrim të gabuar apo jo nga Rexhina Çelhaga, e cila udhëtonte nga Saranda drejt Tiranës, bashkë me dy shtetase të tjera. Kjo pritet të zbardhet nga hetimi, por përplasja e makinës së saj me furgonin ka qenë fatale. Nga të dhënat paraprake mësohet se vajza e re në timon i ka zënë rrugën furgonit. Ajo është transportuar në spitalin rajonal të Gjirokastrës, jashtë rrezikut për jetën. Raportohet se ka vetëm një shembje në krahun e majtë të saj. Deri më tani janë konfirmuar 5 jetë të humbura. Bëhet fjalë për shoferin Bardhi Proda, shtetasit Fiqiri dhe Dritë Korçari. Ndërkohë dy viktima të tjera nuk janë identifikuar ende. Shoferi Bardhi Proda e bënte linjën Sarandë-Tiranë prej disa vitesh. Ai është babai i tre fëmijëve. Mësohet se një ditë më parë furgoni i tij ka kaluar me sukses kontrollin teknik. Pra, përjashtohet mundësia e ndonjë defekti teknik në mjetin e tij. Argjirolajm.net sjell pamjet më poshtë. ©argjiroja.net