Anëtarët e Lëvizjes Socialiste për Integrim do të votojnë ditën e sotme për delegatët e Konventës Kombëtare. Procesi i votimit është hapur në të githë vendin në orën 09:00 të mëngjesit dhe pritet të zgjasë deri pasditen e sotme në orën 16:00. Por në Gjirokastër ky proces duket se po shkon drejt dështimit. Mësohet se deri më tani kanë votuar vetëm 43 veta. Ish-deputeti Vangjel Tavo është angazhuar personalisht për të bërë telefonata në Gjirokastër, Dropull, Libohovë etj për t’i bindur përkrahësit e LSI-së që të shkojnë të votojnë. Më shumë sesa frika e pandemisë, mungesa e interesimit për këto zgjedhje dhe për vetë LSI-në si forcë politike, lidhet me faktin se kjo parti që pas daljes në opozitë po shkon drejt zvogëlimit. LSI u rrit dhe zhvillua sepse i ishte qepur pushteteve “si Meta pas këpucës”, ka pas thënë Rama kohë më parë. Pasi doli nga qeveria në vitin 2017, për LSI-në ishte njësoj si një pacient të cilit i shkëputën oksigjenin. Në zgjedhjet e 25 prillit kjo forcë politike pritet të marrë një tjetër goditje. Edhe persa i përket Gjirokastrës gjasat që Vangjel Tavo të marrë një tjetër mandat janë shumë të pakta.
©argjirolajm.net
