Kryeministri Edi Rama i është kundërvënë presidentit Ilir Meta pas deklaratës për Vjosën, se e ardhmja nuk është shkatërrimi i këtij lumi. Në një postim në rrjetin social “Twitter”, Rama thotë Meta duhet të kishte reaguar edhe për lumin Valbonë, kur ishte pjesë e kabinetit Berisha.
“Jam dakord me Ilir Metën që e ardhmja nuk është shkatërrimi, po sa mirë do kishte qenë sikur ta kishte mbrojtur Valbonën nga shkatërrimi kur ishte zv.shef i qeverisë së Saliut, siç mbron sot Vjosën nga rreziku imagjinar i hidrocentraleve që nuk do të ndërtohen!”-shkruan Rama në “Twitter”. Qeveria jonë e ka shpallur Park Kombëtar Vjosën e lartme. Ministria jonë e Mjedisit ka refuzuar zyrtarisht të japë leje për projekte HEC-esh në Vjosën e poshtme që do të integrohet me Parkun! Vala shkatërruese e qeverisë së vjetër mbi lumenjtë në tërësi është zmbrapsur ka kohë! — Edi Rama (@ediramaal) September 25, 2020
